شرح وتفاصيل الاوراق المطلوبه في تقديمات المعهد الصحي العسكري  ( التمريض العسكري )

مرتب اثناء الدراسة وشغل بعد التخرج مدي الحياة تنسيق التمريض العسكري 2024

التمريض العسكري.....؟

أولا مفيش بعد الإعداديه دلوقتي ده اتلغى عشان محدش يسأل تاني 

بعد الثانوية العامة علمي علوم او ازهر علمي علوم 

١-مطلوب قيد عائلي للاب ودا بيطلع من السجل المدني التابع ليك ( وانت رايح تطلع القيد العائلي خد معاك صور بطايق او صور شهايد ميلاد الاسره كلها المكونه من الاب والام وانت واخواتك كلهم + صوره من قسيمه الجواز او الطلاق بتاعه ابوك وامك )ومتنساش تصور القيد ٤ او ٦ صور تخليهم معاك 

٢- صحفيه حاله جنائيه (الفيش ) للطالب والاب ودي بتطلع من قسم الشرطه التابع ليه وتصور الفيش ٤ صور 

٣-عدد ١٨ صوره للطالب مقاس ٤ف ٦ خلفيه بيضه منهم الصور دي اللي هيتحط ف الملف ومنهم اللي هتاخده وانت رايح تسلم الملف 

٤- عدد واحد صوره طوليه للطالب وهوه واقف يعني مقاس ١٠ف ١٥ خلفيه بيضه هتتحط ف الملف 

٥- عدد واحد صوره طوليه للاب والام مقاس ١٠ ف١٥ خلفيه بيضه 

٦- عدد ٣ صور طوليه للاسره كلها المكونه من ( الاب والام والطالب واخواته ) مقاس ١٠ ف ١٥ خلفيه بيضه منهم ٢ صوره يتسلموا مع الملف وفيه ١ صوره هتحتاجها ف اختبارات 

٧-  عدد ٣ شهايد ميلاد للطالب ودي بتطلع من السجل المدني و ٦ صور منه 

٨- عدد ٧ صور بطايق الرقم القومي ( للطالب والاب والام )

٩-اصل مستخرج بيان درجات للطالب و ٤ صور منه ودا بيطلع من الاداره التعليمه التابع ليها للطالب 

١٠- فيه ورقه بتستلمها وانت رايح تسحب الملف مكتوب عليها (طلب تطوع) دي هتكتب البيانات الخاصه بيك فيها فقط وتحط عليها صوره ليك وتبصم علي الصوره بس بالنسبه للبنات اما بالنسبه للولاد بتعمل دا كله وتختمها من مديريه الامن التابع انت ليها 

١١- ورقه اقرار الجنسيه بتاخدها وانت بتسحب الملف ولو مخدتهاش هنزلها ف الكومنتات اطبعها هتكتب فيها البيانات الخاصه بيك الورقه دي وتختمها من اي مصلحه حكوميه 

١٢- فيه مكان ف الملف هتحط فيه صوره من مؤهل الاب والام دا في حاله وجود مؤهل ليهم هتحط صوره منه 

١٣- فيه ف الملف مكان تدبيس صوره من الشهادات الرياضيه الحاصل عليها الطالب دا ف حاله لو معاك شهاده رياضيه بس هتحطها مثلا ف ( كمال الاجسام او الكوره وغيره )

١٤- لو الطالب بيدرس ف جامعه ومقدم ف المعهد بيجيب من شؤن الكليه التابع ليها اثبات قيد انه مقيد ف الجامعه دي موجهه لتمريض العسكري او لمن يهمه الامر وطبعا الورقه دي بتتحط ف الملف وخلي كام صوره منها معاك هتحتاج صور منها ف الاختبارات 

١٥-فيه ورقه مطلوب فيها المستندات والاملاك الخاصه ب الوالد او الولاده لو معاكم املاك هات اللي يثبت دا وحطه ف الملف لو مفيش اكتب لايوجد 

١٦-فيه ورقه خاصه ببيان حاله الوظيفه الخاصه ب الاب والام الورقه دي لو الاب والام شغالين ف شغل حكومي بتخلص من شغلهم انما ف حاله انهم مش شغالين بتخلصها من مجلس المدينه او الوحده المحليه التابعين ليها او مكتب التأمينات الاجتماعيه التابعين ليها 

١٧- فيه في الملف ورقه حسن سير وسلوك الورقه دي لو الطالب لسه مخلص ثانوي السنه دي يختمها من المدرسه او الادراه التعليمه انما لو في جامعه بيختمها من شؤن الكليه 

١٨- مطلوب جوه الملف صوره معتمده من شهاده الثانوي يعني هنصور شهاده الثانوي الخاصه ب الطالب وتتختم ختم النسر علشان تبقا معتمده 

١٩-فيه جوه الملف ورقه مكتوب فيها كروكي ب العنوان المدني هترسم فيها ب القلم الرصاص المكان المقيم انت فيه وفي الكومنتات هنزلكم صوره توضيحه ليها 

٢٠-فيه جوه الملف اقرار بعدم الزواج الورقه دي هتوديها للمأذون يكتب فيها اسمه ورقمه القومي ويختمها ب الختم بتاعه 

٢١- بالنسبه ف حاله وفاه الوالد لازم ولي امر الطالب المتمثل ف ( الام او الاخ الكبير او العم وغيره ) الوصي علي الطالب يعني يطلع اقرار وصايه من المحكمه لان دا مطلوب ف الملف وهوه اللي يعمل الاوراق للطالب اللي مقدم ف المعهد 

٢٢- في حاله سفر الاب بره مصر لازم يعمل توكيل رسمي للاب من القنصلية المصريه او السفاره المصريه وام الطالب او الطالبه بتاخد التوكيل وتطلع علي الجوازات تعمل شهاده تحركات للاب ويكون موجه للمعهد الصحي العسكري او التمريض العسكري 

المتحدث_العسكرى : الإعـلان عن قبول دفعة جديدة بالمعاهد الصحية للقوات المسلحة للعام الدراسى ( 2024 / 2025 ) ...

ـــــــــــــــــــــــــــــــــــــــــــــــــــــــــــــــــ

صدق الفريق أول / عبد المجيد صقر القائد العام للقوات المسلحة وزير الدفاع والإنتاج الحربى على الإعلان عن قبول دفعة جديدة من الطلبة المتطوعين لصالح المعاهد الصحية للقوات المسلحة ( ذكور - إناث ) من الحاصلين على شهادة الثانوية العامة ( علمى علوم ) أو الثانوية الأزهرية ( علمى ) خريجى العام الدراسى ( 2022 / 2023 ) و( 2023 / 2024 ) وذلك بالمعهد الصحى للقوات المسلحة ذكور بحوش عيسى ، والمعهد الصحى للقوات المسلحة إناث بأحمد جلال والمعهد الصحى للقوات المسلحة بالجلاء ، جاء ذلك خلال وقائع المؤتمر الصحفى الذى عقده اللواء طبيب / خالد عبد العظيم شكرى مدير إدارة الخدمات الطبية للقوات المسلحة والذى أشار خلاله إلى شروط القبول لدفعة جديدة من الطلبة المتطوعين ، والتى تضمنت الشروط الآتية :

أن لا يقل مجموع الطالب / الطالبة من الحاصلين على الثانوية العامة ( علمى علوم ) أو الثانوية الأزهرية ( علمى ) عن نسبة نجاح 55 % ، مع تفضيل الحاصلين على أعلى الدرجات فى اللغة الإنجليزية ، وألا يقل السن عن ( 17 ) عام ولا يزيد عن ( 21 ) عام فى 1 / 10 / 2024 ، وأن يكون مصرى الجنسية ومن أبوين مصريين يتمتعان بهذه الجنسية وليس عن طريق التجنس ، وأن يكون غير متزوج أوسبق له الزواج ولا يسمح له / لها بالزواج إلا بعد التخرج بنجاح والحصول على ترخيص مزاولة المهنة ، وأن يكون حسن السير والسلوك ، وألا يكون قد سبق له الإلتحاق بالقوات المسلحة وتم إنهاء خدمته بالرفت منها ، وأن يجتاز الإختبارات المحددة للقبول ( طبية - نفسية -  لغة إنجليزية - لياقة بدنية - كشف الهيئة - التحاليل الطبية - ... ) ، كما يشترط موافقة والد / ولى أمر ( الطالب / الطالبة ) على الإلتحاق بالقوات المسلحة ، يحق لمجلس المعهد الذى يلتحق إليه الطالب / الطالبة بعد القبول أن يتم إستبعاده فى حال عدم القدرة على الإستمرار بالحياة العسكرية خلال الثلاث أشهر الأولى وفقاً للشروط والمعايير المحددة .

فيما تعد مدة الدراسة بالمعاهد الصحية بالقوات المسلحة ثلاث سنوات دراسية شاملة ( التأهيل والصلاحية - الإمتياز التدريبية الإجبارية - التدريب التخصصى ) تؤهله للحصول على الدبلوم الصحى ، ويحصل الخريج على درجة رقيب متطوع بالقوات المسلحة يتدرج بعدها فى الترقى إلى الدرجات والرتب المختلفة طبقاً للتعليمات الصادرة فى هذا الشأن ، وتعتبر مناهج الدراسة بالمعاهد الصحية للقوات المسلحة هى نفس مناهج الدراسة المقررة بالمعاهد المناظرة لها بوزارة التعليم العالى ، كما يحصل المتطوع على كافة الإمتيازات والخدمات التى تقدمها القوات المسلحة طبقاً للقوانين والتعليمات المنظمة لذلك  .

وسيتم سحب الملفات من المعهد الصحى للقوات المسلحة ذكور بحوش عيسى ، والمعهد الصحى للقوات المسلحة إناث بأحمد جلال ، والمجمع الطبى للقوات المسلحة بالأسكندرية ، ومعهد الطب العسكرى بالمعادى ، والمستشفى العسكرى بالزقازيق ، والمستشفى العسكرى بدمياط ، والمستشفى العسكرى بسوهاج ، والمستشفى العسكرى بمدينة 6 أكتوبر ، وذلك إعتباراً من 20 / 07 / 2024 وحتى 08 / 09 / 2024 .

على أن يتم تقديم الملفات بالنسبة ( للذكور ) بالورشة الرئيسية للخدمات الطبية بكوبرى القبة ، وبالنسبة ( للإناث ) يتم تقديمها بالمعهد الصحى للقوات المسلحة إناث بأحمد جلال على أن يكون بدء تقديم الملفات إعتباراً من 27 / 07 / 2024 وحتى يوم 14 / 09 / 2024  .